粤语歌手推荐联盟

哥哥张国荣与张德兰唱经典歌曲《三笑姻缘》

楼主:江苏戏曲荟萃 时间:2022-02-05 13:10:56

(生白) 小姐,拜神呀,真系神心咯,拜得神多自有神庇佑,

小姐真系靓既啫,小姐,点解唔出声呀。

(小曲) 求神,求神,诚心礼佛来求灵神,同小姐你三生有幸,

同小姐你成为情人,好心娇姿你怜悯。

(旦接) 劝你说话谨慎,娇花休想过问,喂,劝你要立品行,快快离开,咪咁黏身。

(生接) 小生热情太甚,初相见心中爱玉人,我初初学人去蜜运,喂,省我猫面太无瘾。

(旦小曲) 衰人讲嘢令我憎,所作所为,认真下品。

(生接) 点算下品啫,我有心求凤引咋,观音你应动慈善既心㗎

(旦接) 观音实无乱咁帮坏人立错心,

(生接) 观世音都有救苦救难心㗎

(旦接) 你乞我僧,面蒙夹牙痕。

(生接) 我性风流,喂,我还未结婚。

(旦接) 喂,你自量吓喇,系乜嘢人,你个猫样生成会有人共结婚咩。

(生接) 我著名貌美同姑娘合衬。

(旦接) 啋,咪黎闷我呀,你闷人闷到擝既

(生接) 但求共你做对有情人。

(旦接) 你个衰人,边个共你相亲。

(生秃头二王) 你呢只高窦的猫儿,许配呢个痴人,最合衬。

(旦唱序) 你可谓疯狂傻?肾。

(生唱)鬼叫你风骚娇嗲,而且态度咁天真。

(旦唱序) 唔该你咪立坏个心啦。

() 我有我拜神,你做乜将人胡混呀。

(生唱序) 你一定拜神求婚嫔

(旦接) 你下流贱格,真系正一衰人

(唱序) 你做鬼好过做人。

(生接) 就算我死落黄泉,魂魄都追随你左近。

(旦唱序) 我睇阎罗王都唔肯呀。

() 要你落十八层地狱,等你做只地府既冤魂。

(生白) 笑话喇。 (小曲) 相信泉下阎君,一定怜念有情人。

(旦接) 咁你共鬼有缘份呀,快去地下成婚姻啦。

(生接) 乜你咁鬼黑心唧,我心意一番真情共娇订凤盟。

(旦接) 你成个坏人,说话得人怒愤。

(生接) 哈,你嬲得真美丽,最妙发娇嗔,好心啦将我怜悯。

(旦接) 睇你周身冤气腾腾,认真气坏人。

(生士工慢板) 一朵好娇花,应要怜粉蝶,你好比天上嫦娥,令我情不自禁。

(序白) 可怜吓啦小姐。

(旦快慢板) 登徒子,你似疯狂。乞怜摇尾真系有失斯文,

(生土工慢板) 我貌似潘安,风流倜傥,七尺昂藏,真系世间难揾。

(序白) 嗱你睇真吓啦。(旦快慢板) 再讲多,都嫌哂气,今天倒运,遇啱你个学神。

(生小曲) 我爱你貌美兼丰韵。还求望原谅我苦困。自见过你,顿觉心深印。

(旦接) 成日咁闷人,令我太讨厌,真真乞我憎,怒愤。

(生接) 你完全唔明,我系世间既文人。你要应允,共我结婚嫔。

(摄白) 应承啦小姐。(旦接) 边个孖你同成婚。霎?,妄想贱格无品。栈你乱咁谂。你若够精即刻收吓心,大教瞓。(生中板) 叫一句好姑娘,我爱你面似芙蓉,都不用调脂传纷。叫一句好小姐,我爱你秋波一转,柳眼明媚窥人。叫一句好姑娘,我爱你口似樱桃,更有入骨既销魂丰韵。叫一句好小姐,我不是狂峰浪蝶,我系江南第一个才人。

() 俺小生唐寅字伯虎号六如,苏郡吴县人,望小姐将痴郎怜悯。

() 小姐,我系一个文人嚟㗎,唔系吓你,我的学问好啃㗎噃。

(旦白) 躝开。(旦长二王) 你呢个文人乞我憎,你个鼻哥的确啃,周围锡索用个鼻闻人,劝你养性收心求学问,劝你行为自检,真个失斯文。须知大好娇花,岂容狂蝶引。就算花能解语,也未许浪蝶缠身。徒负了大好年华,就算你有满腹经论,都系下品。

(一才收堀白) 我无咁得闲同你发牙痕。(生白) 小姐你贵姓名呀?

(旦白) 点解要讲俾你知啫,唔讲。(生白) 讲啦小姐。

(旦白) 哈,你咪拉手拉脚噃你。(生白) 咁你讲喇。

(旦气白) 都话唔讲咯。(另旦在远处白) 秋香姐走喇。

(旦白) 哦,嚟喇。(生白) 哦,原来你系秋香姐呀。

(旦笑一声下介) (生白) 秋香,秋香,唉,观音赐我缘和份,回头一笑倍销魂。

(快花) 且看是谁家淑女,我一於要死跟。


朋友 图片 表情 草稿箱
请遵守社区公约言论规则,不得违反国家法律法规